რჩევები ლეკვების შესახებ

პირველი შეხვედრა
 
ლეკვისთვის ყველაფერი ახალი იქნება: გარემო, სუნი, ხმები და გარშემო მყოფი ადამიანები. სწორედ ამიტომ ახალი სახლის პირველი ეფექტი მშვიდი და დამარწმუნებელი უნდა იყოს. ლეკვს თავიდან ორიენტაცია გაუჭირდება, მაგრამ ნელ-ნელა შეისწავლის ახალ გარემოს. საჭიროა ჰქონდეს ისეთი ადგილი, სადაც იქნება წყნარად და დაცულად. აუცილებელია, რომ ლეკვისთვის გამოყოფილი სივრცე არასდროს გამოიყენოთ მის დასასჯელად და პირიქით, ეს გარემო სასიამოვნო დასვენებასთან ასოცირდებოდეს. სწორედ ამიტომ, მოერიდეთ დასჯის შემდგომ მის ამ სივრცეში გაგზავნას. ლეკვმა თავი ნაკლებად მარტოდ რომ იგრძნოს, მის სივრცეში შეგვიძლია ჩვენი სურნელის მქონე რაიმე ნაჭერი დავუტოვოთ. პირველი ღამე ძალიან მნიშვნელოვანი და რთულია, რადგან პატარას თავიდან ახალ სახლთან შეგუება გაუჭირდება. ჩვენი საქმეა დავუყვავოთ, დავარწმუნოთ და თავი უსაფრთხოდ ვაგრძნობინოთ. ნუ დააძინებთ ლეკვს ცარიელ იატაკზე, რადგან ცარიელი იატაკი მისთვის ძალიან ცივია. მშვიდად მოსვენებისთვის შეგიძლიათ ლეკვთან ახლოს საათი დადგათ. სრული სიჩუმე ლეკვისთვის შესაძლოა დამთრგუნველი აღმოჩნდეს და ისრების წიკწიკი მას კომპანიას გაუწევს, თავს უსაფრთხოდ აგრძნობინებს.

როგორ მოვიქცეთ ლეკვთან
 
საჭიროა ლეკვი გვყავდეს ისეთ გარემოში, სადაც რამის გაფუჭებას ვერ მოახერხებს. ეცადეთ მოარიდოთ ყველაფერი, რისი გატეხვა ან დაზიანებაც შეუძლია. მოამარაგეთ ისეთი ნივთებით და თამაშებით, რომლებითაც უსაფრთხოდ დაიკმაყოფილებს ცნობისმოყვარეობას.
 
პატარა ლეკვს ზრდასრულ ძაღლზე ბევრად მეტი ენერგია აქვს. მათი ფსიქოლოგიური საჭიროებებიც განსხვავებულია. სწორედ ამიტომ ლეკვის ცხოვრების საწყის ეტაპზე საჭიროა უფრო დიდი დოზებით გარეთ გასეირნება, სხვა ლეკვებთან და დიდ ძაღლებთან თამაში და სოციალიზაცია.
 
პირველი რამდენიმე თვე სჯობს ლეკვი საბელის გარეშე არ დატოვოთ. პატარა ლეკვები გარშემო არსებულ ყველანაირ ხმას შეჩვეულები არ არიან, ამიტომაც აშვებული ლეკვი შესაძლოა მარტივად დაფრთხეს და ჰქონდეს რეაქცია, რომელსაც ვერ გავაკონტროლებთ (მაგალითად, ქუჩაში გაქცევა).
 

სწორი კვება
 
ლეკვს აჭამეთ დღეში სამჯერ (დილით, შუადღით და საღამოს). ასევე, სჯობს ლეკვი კვების მერე მაშინვე არ გაასეირნოთ, რადგან ამით შესაძლოა მომნელებელი სისტემის პრობლემები წარმოიქმნას. სჯობს რამდენიმე საათი მოიცადოთ. სცადეთ N&D-ის ხაზი, თქვენი ლეკვის საჭიროებებზე მორგებული საკვები. 


 
> N&D გოგრა, მინი ჯიშის ლეკვებისთვის
> N&D გოგრა, საშუალო და დიდი ზომის ლეკვებისთვის
> N&D მონათესავე მარცვლეული, მინი ჯიშის ლეკვებისთვის
> N&D მონათესავე მარცვლეული, საშუალო და დიდი ჯიშის ლეკვებისთვის
> N&D ოკეანე, მინი ჯიშის ლეკვებისთვის
> N&D ოკეანე, საშუალო და დიდი ჯიშის ლეკვებისთვის